ВЛАДЕЕЊЕ НА ПРАВОТО И ДОБРО УПРАВУВАЊЕ
МИСИЈА
Република Северна Македонија да биде развиена како заедница заснована врз владеење на правото и врз добро управување, како најсилна гаранција за почитување на правото на среќа на граѓаните и на подобар квалитет на живот. До 2044 година, како нова членка на ЕУ, државата ќе ги обезбеди сите слободи и права на македонските граѓани како државјани на ЕУ. Сите институции на власта - законодавната, извршната и судската ќе ги остваруваат своите функции врз европските вредности и стандарди, со високоефективно, отчетно, транспарентно и целосно дигитализирано судство, со силна, високопрофесионална и деполитизирана и ефикасна јавна администрација, со граѓани што се вистински учесници во политичкото одлучување и истовремено се заштитени ранливите групи на сите нивоа; со суштинско учество на бизнис-заедницата, на граѓанското општество и на политичките партии во креирањето на јавните политики низ постојано унапредување на демократските односи и дијалог на сите нивоа и со одговорни носители на јавни функции и даватели на јавни услуги. Државата ќе создаде средина каде што ќе постојат услови за поголема социјална правда и сигурност за сите граѓани, кои ќе живеат како во економски поразвиените држави со функционална демократија.
ЦЕЛИ
За реализација на мисијата, дефинирани се следните цели:
1. Владеење на правото и доследно применето начело на поделба на власта и ефективна парламентарна контрола
Приоритети
1. Забрзување на евроинтегративниот процес
2. Доследна примена на начелото на поделба на власта и создавање ефикасни и департизирани институции
3. Политичките партии како промотори на демократските процеси и на демократскиот дијалог
4. Независни судови, самостојни и ефективни обвинителства и други институции на правдата
2. Транспарентен, отчетен и ефикасен јавен сектор
Приоритети
1. Транспарентна и демократска постапка на донесување легитимни закони и други одлуки
2. Доследна и континуирана имплементација на донесените закони и почитување на договорените обврски
3. Избор, именување, вработување и унапредување во јавната администрација врз основа на системот на заслуги
4. Засилена транспарентност и отчетност во остварување на јавните функции
5. Судска контрола над законитоста на актите на јавната администрација
6. Дигитализација на јавните сервиси и служби и слободен пристап до информации на граѓаните за нивното функционирање
7. Јавна администрација ориентирана кон остварување резултати
8. Креирани политики со учество на граѓански организации, граѓани и други засегнати страни
3. Силно граѓанско општество и слободни и независни медиуми
Приоритети
1. Силен граѓански сектор како основа за отчетно, транспарентно и демократско општество
2. Слобода на медиумите за објективно информирање
4. Нулта корупција, правна сигурност и неселективна правда
Приоритети
1. Примена на универзалните стандарди на добро владеење
2. Ефикасна борба против корупцијата, организираниот криминал и злоупотребите на власта на сите нивоа
3. Независни, функционални и добро координирани државни институции
5. Ефикасна заштита на основните човекови слободи и права и заштита на заедниците
Приоритети
1. Држава во која владее еднаквост, недискриминација и праведност
2. Мултикултурализам, заемно почитување на етничките, верските и на другите заедници и уставен патриотизам
3. Заштита на немнозинските заедници, на сиромашните лица, и лицата што се дел од миграциските текови
4. Хуман затворски систем и ресоцијализација и реинтеграција на претходно осудени лица
5. Ефикасна заштита на правата за здрава животна средина
6. Пристап до правда