Овој извештај нè води низ тоа како можеме да користиме колективна интелигенција за целите за одржлив развој, нудејќи практични примери од Глобалната акцелераторска мрежа и нивната употреба на КИ во поддршката на Агендата за 2030 година. Во извештајот се споменува дека тој главно е насочен кон „високи службеници во националните влади, меѓународни агенции и развојни организации кои знаат дека итно треба да се преземе акција и кои сакаат да користат дистрибуирана колективна интелигенција како дел од националните стратегии за целите за одржлив развој“. Би додале дека е одлично четиво за сите што сакаат да дознаат повеќе и за „колективната интелигенција“, нејзините начела за дизајнирање и за тоа како може да се користи за поддршка на Агендата за 2030 година.

Линк до извештајот

Во публикацијата се зборува за контекстот во кој функционираат институциите/владите, исполнет со нови ризици и несигурности и за потребата да се приспособат и да изградат нови политички вештини за да се одговори на оваа реалност.

Врска до трудот

Во овој труд е објаснето како скромниот пристап кон креирањето политики може да им помогне на институциите во постигнувањето на долгорочните цели и политики. Според авторите, „за да може владата да формулира политики кои се однесуваат на најнеодложните прашања на 21. век, таа мора прво да ги реши структурните и културолошките проблеми во нејзините процеси на креирање политики. Решавањето на лошите проблеми бара креирање политики коешто ќе се оддалечи од илузијата за управување од горе надолу во мрежен модел“.

Трудот е напишан од глобалниот аналитички и истражувачки центар Демос Хелсинки, а повеќе информации може да се добијат на линковите подолу.

Врска до брошурата
Врска до апстрактот на организациите за трудот

Креирањето Национална развојна стратегија има силна и недвосмислена поддршка од мнозинството граѓани

• 80% од граѓаните сметаат дека процесот на креирање Национална развојна стратегија е исклучително важен
• 89% веруваат дека спроведувањето ваква стратегија ќе го подобри нивниот квалитет на живот
• 83% очекуваат дека стратегијата ќе придонесе за усогласување на државните приоритети

Охрабрувачки факт: Речиси 60% од граѓаните се со став дека е исклучително важно или многу важно лично да учествуваат во содржината на Националната развојна стратегија 2022 – 2042.

Ова овозможува процесот на подготовка и имплементација на стратегијата да биде отворен, транспарентен и инклузивен што беше недвосмислена заложба уште од почетокот на целиот процес.